Thursday, April 3, 2025

General line - 0115112241

බැලුම්ගල හෙළි කළ ඔන්මැක්ස් ඩී ටී පිරමීඩ ජාවාරමේ විමර්ශන වාර්තාවක් අධිකරණය ඉල්ලයි

උදය කුමාර



ඔන්මැක්ස් ඩී.ටී. පිරිමිඩ සමාගමේ ආයෝජනය කළ තැන්පත්කරුවන්ගේ මුදල් අහිමිවීමේ සිද්ධිය සම්බන්ධයෙන් විමර්ශන සිදු කොට ඒ පිළිබඳ වැඩිදුර වාර්තාවක් අගෝස්තු මස 7 වනදා ඉදිරිපත් කරන ලෙස කොළඹ මහේස්ත්‍රාත් අධිකරණය නියම කළා.

මෙම පැමිණිල්ල අද කොළඹ ප්‍රධාන මහේස්ත්‍රාත්  තිළිණ ගමගේ මහතා ඉදිරියේ කැඳවනු ලැබුවා.

එම අවස්ථාවේදී අදාළ සමාගමේ අධ්‍යක්ෂවරු විසින් එම සමාගමේ මුදල් තැන්පත් කළ තැන්පත්කරුවන් පිළිබඳ විස්තර සහ ඊට අදාල දත්ත අධිකරණයට ඉදිරිපත් කළා.

අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි රජයේ නීතිඥවරයා සඳහන් කළේ මේ හා සමාන ආයෝජන ක්‍රම දෙකක් නීති විරෝධී ආකාරයෙන් ක්‍රියාත්මක වන බවට තොරතුරු අනාවරණය වී ඇති බවයි.

ඒ පිළිබඳව විමර්ශන සිදු කරන ලෙස අපරාධ පරීක්ෂණ දෙපාර්තමේන්තුවට දැනුම් දුන් මහේස්ත්‍රාත්වරයා ඊට අදාළ සැකකරුවන් සිටී නම් ඔවුන් අත්අඩංගුවට ගෙන අධිකරණයට ඉදිරිපත් කරන ලෙසත් නියෝග කළා.

ඉන් අනතුරුව පැමිණිල්ල අගෝස්තු මස 7 වනදා කැඳවන ලෙසත් නියම වුණා.

මේ අතර ඔන්මැක්ස් ඩී.ටී. පිරිමිඩ ජාවාරම සම්බන්ධයෙන් නෙත් එෆ් හම් බැලුම්ගල හරහා අවස්ථා ගණනාවකදීම රට හමුවේ අනාවරණ කළා.

එම අනාවරණයත් සමඟ විමර්ශන ආරම්භ කෙරුණු අතර එම විමර්ශන සඳහා ද නෙත් එෆ් එම් බැලුම්ගල සක්‍රීයව දායක වුණා.