ගාල්ල දිස්ත්‍රික්කය කේන්ද්‍ර කර ගනිමින් සමනල ක්‍රීඩාංගනයේ අද පැවැත්වීමට නියමිතව තිබූ ජනාධිපති ශිෂ්‍යත්ව වැඩසටහන ඉදිරි දින කිහිපය තුළ සිදුකරන බව දිස්ත්‍රික් ලේකම් ඩබ්ලිව් ඒ ධර්මසිරි පවසනවා.
පවතින අයහපත් කාලගුණ තත්ත්වය සැලකිල්ලට ගනිමින් එම ශිෂ්‍යත්ව වැඩසටහන කල්දැමීමට පියවර ගත් බවයි ගාල්ල දිස්ත්‍රික් ලේකම්වරයා පැවසුවේ.
ජනාධිපති ශිෂ්‍යත්ව වැඩසටහන යටතේ ගාල්ල දිස්ත්‍රික්කයේ පාසල් සිසුන් 5,000කට ආසන්න සංඛ්‍යාවකට ජනාධිපති අරමුදල යටතේ ශිෂ්‍යත්ව ලබාදීමට සැලසුම් කර තිබෙනවා.
