නේපාලයේ නව අගමැතිවරයා ලෙස කද්ගා ප්‍රසාද් ශර්මා ඔලී අද දිවුරුම් දීමට නියමිතව තිබෙනවා.
පසුගිය සිකුරාදා දින නේපාලයේ හිටපු අගමැති පුෂ්ප කමල් දහල්ට විරුද්ධව පාර්ලිමේන්තුවේදී එල්ල වූ විශ්වාසභංගය පරාජයට පත් වීමෙන් පසුව ප්‍රසාද් ශර්මා ඔලී නව අගමැතිවරයා වශයෙන් පත් කර ඇති බවයි විදෙස් මාධ්‍ය පැවසුවේ.
දිවුරුම් දීමේ උත්සවය නේපාලයේ අගනගරය වන කත්මන්ඩු නගරයේදී පැවැත්වීමට නියමිතයි.
දිවුරුම් දීමේ උත්සවයෙන් පසු අගමැති ඔලි විසින් සිය කැබිනට් මණ්ඩලය ප්‍රකාශයට පත් කිරීමට නියමිත බවයි විදෙස් මාධ්‍ය පවසන්නේ.
ඔලි මෙලෙස අග්‍රාමාත්‍ය ධූරයේ දිවුරුම් දෙනු ලබනේ සිව්වන වරට වීම විශේෂත්වයක්.
72 හැවිරිදි ඔලි නේපාලයේ විශාලතම කොමියුනිස්ට් පක්ෂයේ නායක බව ද වාර්තා වනවා.
