විදුලි බිල නිසා භාණ්ඩ හා සේවා ගාස්තු සියයට විස්සකින් අඩු වෙයිද?

විදුලි මිල සංශෝධන කිරීමට සාපේක්ෂව භාණ්ඩ හා සේවා ගාස්තු සියයට විස්සකින් පමණ අඩුකළ හැකි බව විදුලිබල හා බලශක්ති අමාත්‍ය කංචන විජේසේකර පවසනවා.

අමාත්‍යවරයා සඳහන් කළේ ඉකුත් සමයේ ගෑස් මිල සහ ඉන්ධන මිලද අඩු වී ඇති බැවින් ව්‍යාපාරිකයින්ට පහසුවෙන් දැන් භාණ්ඩ හා සේවා මිල අඩු කළ හැකි බවයි. 

මේ අතර මහරගම පමුණුව සළු පිළි වෙළඳ සංගමයේ සභාපති කුසුම්සිරි දසනායක පැවසුවේ විදුලි ගාස්තු අඩු වීමත් සමග රෙදි පිළි මිලටද බලපෑමක් සිදු වන බවයි. 

මේ අතර නව විදුලි ගාස්තු සංශෝධනය මගින් වැඩිම සහනයක් ලැබී ඇත්තේ ඒකක 90ට වඩා අඩුවෙන් භාවිතා කරන පරිභෝගිකයින් හට බව විදුලිබල හා බලශක්ති අමාත්‍ය කංචන විජේසේකර පවසනවා.

තවත් වසර තුනකින් විදුලි ගාස්තු තවදුරටත් පහළ දැමිය හැකි බවයි අමාත්‍යවරයා වැඩිදුරටත් සඳහන් කළේ.

විදුලි බිල්පත් ගෙවීම සහ විසන්ධි කිරීම සම්බන්ධයෙන් මෙහිදී අදහස් පළ වුණා. 

මෙරට විදුලි පාරිභෝගිකයන්ගෙන් වැඩිම පිරිස ඒකක 90ට වඩා අඩුවෙන් භාවිතා කරන පරිභෝගිකයින්.

ඔවුන් ගෘහස්ථ කාණ්ඩය නියෝජනය කරන පිරිසෙන් සියයට 79ක්.

ඒ අනුව ඒකක 30ක් භාවිත කරන පාරිභෝගිකයින්ට දැන් ගෙවීමට සිදු වන්නේ රුපියල් 290ක් පමණයි. 

ඒකක එකේ සිට 60 දක්වා විදුලිය පරිභෝජනය කරන්නේ නම් රුපියල් 790ක් පමණක් ගෙවීමට සිදු වනවා.

ඒකක 180ට වඩා වැඩියෙන් පරිභෝජනය කරන්නේ එක් ලක්ෂ අසූ නව දහසක් පමණයි.

රුපියල් 48ක් වූ විදුලි ඒකකයක නිෂ්පාදන වියදමද මේ වන විට රුපියල් 35ක් දක්වා පහත බැස තිබෙනවා.