තලේබාන් සංවිධානය විසින් පකිස්තානයට ප්‍රභල චෝදනාවක් එල්ල කර තිබෙනවා.
ඒ අනුව එම සංවිධානය පවසන්නේ ISIS සහ අනෙකුත් අස්ථාවර කිරීමේ කන්ඩායම්වල සාමාජිකයින් බලෝකිස්ථානයේ සහ පකිස්ථානයේ Khyber Pakhtunkhwa හි ඇතැම් ප්‍රදේශවල ස්ථාපිත වී ඇති බවයි.
ජනවාරි 22 බදාදා ප්‍රකාශයට පත් කරන ලද සිය වාර්ෂික ආරක්ෂක වාර්තාවේ, තලේබාන් සංවිධානයේ ආරක්ෂාව සඳහා වූ මධ්‍යම කොමිසම පකිස්තානය ISIS සංවිධානයට සහාය දක්වන බවට චෝදනා එල්ල කර ඇතැයි විදෙස් මාධ්‍ය වාර්තා කළා.
එම වාර්තාව පවසන්නේ අයි එස් අයි එස් සංවිධානයේ ද්‍රෝහී සහ අස්ථාවර කිරීමේ කුමන්ත්‍රණ ඇෆ්ගනිස්ථානය තුළ
සම්පූර්ණයෙන්ම යටපත් කර ඇති බවයි;
කෙසේ වෙතත්, මෙම කණ්ඩායම්වල සමහර නායකයින්, පකිස්ථානයේ වක්‍ර සහය ඇතිව, ප්‍රතිසංවිධානය කිරීමට පටන් ගෙන ඇතැයි එම වාර්තාව මගින් තලේබාන් සංවිධානය චෝදනා කර ඇත්තේ.
වාර්තාවට අනුව වාර්තාවට අනුව අයි එස් අයි එස් සංවිධානයේ බොහෝ අණ දෙන නිලධාරීන්, වැදගත් ශාඛා ප්‍රධානීන්, සැලසුම් කරන්නන් සහ ප්‍රධාන ප්‍රහාරවල ක්‍රියාත්මක කරන්නන් මෙන්ම ඔවුන්ගේ සාමාජිකයින් සිය ගණනක් තලේබාන් විසින් ඝාතනය කර හෝ අත්අඩංගුවට ගෙන ඇත.
මර්දනය කිරීමෙන් පසු අසල්වැසි රටවලට පලා ගිය මෙම කණ්ඩායමේ සමහර නායකයින් සහ සාමාජිකයින්, ඇතැම් පාර්ශවයන්ගේ ඉවසීම, ලිහිල්භාවය සහ වක්‍ර සහාය ඇතිව නැවත වරක් ප්‍රතිසංවිධානය කිරීමට පටන් ගෙන ඇතැයි තලේබාන් චෝදනා කරයි.
