Friday, April 4, 2025

General line - 0115112241

දේශබන්දු දැඩි රැකවල් මැද දුම්බරින් මාතර අධිකරණයට



රක්‍ෂිත බන්ධනාගාරගත කර සිටින වැඩතහනමට ලක්ව සිටින පොලිස්පති දේශබන්දු තෙන්නකෝන් මහතා මාතර මහේස්ත්‍රාත් අධිකරණය වෙත අද ඉදිරිපත් කෙරෙනවා.

ඒ අනුව ඔහු දුම්බර බන්ධනාගාරයේ සිට මාතර අධිකරණය වෙත මේ වනවිට රැගෙන යමින් ඇති බවයි බන්ධනාගාර දෙපාර්තමේන්තුව පැවසුවේ.

ඒ, විශේෂ ආරක්‍ෂාවක් යටතේයි. බන්ධනාගාර බස් රථයකින් දේශබන්දු තෙන්නකෝන් මහතා එලෙස රැගෙන යනු ලබන්නේ බන්ධනාගාර බස් රථයකින් බවයි වාර්තා වුණේ.

ඔහුගේ ආරක්‍ෂාවට අවි සහිත බන්ධනාගාර බුද්ධි අංශ නිලධාරීන් මෙන්ම පොලිස් නිලධාරීන්ද යොදවා තිබෙනවා.

වැඩ තහනමට ලක්වී සිටින පොලිස්පති දේශබන්දු තෙන්නකෝන් මහතා ඉකුත් 20 වනදා අධිකරණය වෙත ඉදිරිපත් කිරීමෙන් පසු අද දිනය දක්වා රක්ෂිත බන්ධනාගාරගත කෙරුණා.

2023 වසරේ වැලිගම පැලෑන ප්‍රදේශයේ හෝටලයක් අසල සිදුවු වෙඩිතැබීමේ සිද්ධියකට අදාළව අත්අඩංගුවට ගැනීමට වරෙන්තු නිකුත් කර සිටි දේශබන්දු තෙන්නකෝන් මහතා, දින 20ක කාලයක් සැඟව සිට ඉකුත් 19 දිනයේ අධිකරණයට භාරවුණේ මෝසමක් ඉදිරිපත් කරමින්.

මේ අතර, රක්ෂිත බන්ධනාගාරගත කර සිටින පොලිස්පති දේශබන්දු තෙන්නකෝන් මහතා ධුරයෙන් ඉවත් කිරීමට අදාළ යෝජනාව එළඹෙන 8 වෙනිදා පාර්ලිමේන්තුවට ඉදිරිපත් කිරීමට නියමිතයි.