හික්කඩුව, කුමාරකන්ද ප්‍රදේශයේ ඊයේ රාත්‍රියේ සිදුවූ වෙඩි තැබීමෙන් තුවාල ලබා රෝහල්ගත කළ දෙදෙනාගෙන් එක් අයෙකු මිය ගොස් තිබෙනවා.
ඊයේ රාත්‍රී 07ට පමණ එම වෙඩි තැබීම සිදුව තිබුණේ වෙළඳසැළක් තුළයි.
යතුරුපැදියකින් පැමිණි පුද්ගලයෙකු විසින් එම වෙඩි ප්‍රහාරය එල්ල කර පළා ගොස් තිබුණා.
වෙඩි ප්‍රහාරයෙන් තුවාල ලැබූ පිරිමි පුද්ගලයෙකු සහ කාන්තාවක් ප්‍රතිකාර සඳහා ඇතුලත් කෙරුණේ ගාල්ල කරාපිටිය රෝහලටයි.
එහිදී පිරිමි පුද්ගලයා මියගොස් ඇති බවයි පොලීසිය පැවසුවේ.
මිය ගිය පුද්ගලයා වෙඩි ප්‍රහාර එල්ල වූ වෙළඳසැළේ හිමිකරු බවටයි තොරතුරු වාර්තා වී ඇත්තේ.
සිද්ධිය සම්බන්ධයෙන් හික්කඩුව පොලීසිය විමර්ශන සිදු කරනවා.
