තෙදින රාජ්‍ය සංචාරයක් සඳහා අද සන්ධ්‍යාවේදී මෙරටට පැමිණීමට නියමිතව ඉන්දියානු අග්‍රාමාත්‍ය නරේන්ද්‍ර මෝදි මහතා පිළිගැනීම වෙනුවෙන් කොළඹ සහ අවට මංමාවත් සරසා තිබෙනවා.
කටුනායක අධිවේගී මාර්ගය අසල සිට බේස්ලයින් මාර්ගයද, කොළඹ පුරහල ප්‍රදේශය අවට මාර්ගවල ඉන්දීය සහ ශ්‍රී ලංකා ධජවලින් සරසා ඇති බවයි නෙත් නිවුස් වාර්තාකරුවන් පැවසුවේ.
ඉන්දීය අගමැති නරේන්ද්‍ර මෝදිගේ රුව සහිත පුවරුද එම ස්ථානවල ප්‍රදර්ශනය කර තිබෙනවා.
කොළඹ 07 නිදහස් චතුරස්‍රයද ඉන්දීය අග්‍රාමාත්‍යවරයා පිළිගැනීම සඳහා සරසා ඇති බවයි නෙත් නිවුස් වාර්තාකරු පැවසුවේ.
ඉන්දීය අග්‍රාමාත්‍යවරයා රාජ්‍ය සංචාරයක් සඳහා මෙරටට පැමිණෙන්නේ ජනාධිපති අනුර කුමාර දිසානායක මහතාගේ ආරාධනයකට අනුවයි.
ශ්‍රී ලංකාව සහ ඉන්දියාව අතර “සියවස් මිතුදමක සෞභාග්‍යවත් අනාගතයකට බැඳීමක්” යන සංකල්පය තහවුරු කරමින් අග්‍රාමාත්‍ය නරේන්ද්‍ර මෝදි මහතා මෙවර ශ්‍රී ලංකා සංචාරයේ නිරත වනවා.
ඉන්දීය අග්‍රාමාත්‍යවරයා සමඟ එරට විදේශ අමාත්‍ය එස්. ජයශංකර් මහතා ඇතුළු නියෝජිත පිරිසක්ද මෙම සංචාරයට එක් වීමට නියමිතයි.
ඉන්දියානු අග්‍රාමාත්‍යවරයා පිළිගැනීමේ නිල උත්සවය හෙට පෙරවරුවේ කොළඹ නිදහස් චතුරස්‍ර පරිශ්‍රයේදී පැවැත්වීමට කටයුතු යොදා තිබෙනවා.
ඉන්දියානු අග්‍රාමාත්‍ය නරේන්ද්‍ර මෝදි මහතා, හෙට දිනයේ ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා සමඟ ද්වීපාර්ශ්වික සාකච්ඡාවල නිරත වීමට නියමිත අතර ද්වීපාර්ශ්වික නියෝජිතයන් අතර පැවැත්වෙන හමුවට සහභාගි වීමටද නියමිතයි.
මෙහිදී බලශක්ති, ඩිජිටල්කරණ, ආරක්ෂක සහ සෞඛ්‍ය යන ක්ෂේත්‍රවලට අදාළව අවබෝධතා ගිවිසුම් සහ ඉන්දියාව සමඟ ණය ප්‍රතිව්‍යුගතකරණයට අදාළ ගිවිසුම් හුවමාරු කර ගැනීමට නියමිතව තිබෙනවා.
ට්‍රම්ප් ගේ තීරු බද්දට ලෝක නායකයින් රැසකගේ විරෝධය - ඇමරිකාවේ ආර්ථිකයත් කඩා වැටෙන ලකුණු
ඒ සම්බන්ධයෙන් කරුණු දැක්වූ කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා.
