නගරය පුරා සිටින පරිශීලකයින්ට බාධා ඇති කරමින් පකිස්තානයේ ක්වෙටා හි ජංගම දුරකථන සඳහා අන්තර්ජාල සේවා පහසුකම් නැවත වරක් අත්හිටුවා ඇත.
එරට මාධ්‍ය වාර්තා කළේ, මෙම නවතම අත්හිටුවීම සඳහා බලධාරීන් කිසිදු පැහැදිලි කිරීමක් ලබා නොදෙන බවයි.
අන්තර්ජාල සේවා අත්හිටුවීම හමුවේ පුරවැසියන් කලකිරීමට පත්ව ඇතැයි ද සඳහන්.
විශේෂයෙන් සන්නිවේදන අවශ්‍යතා ඉහළ මට්ටමක පවතින රාමසාන් උත්සව සතියේ දී එලෙස අන්තර්ජාල සේවා අත් හිටුවිම සම්බන්ධයෙන් ජනයා බලධාරීන්ට දොස් පවරයි.
පසුගිය මාස කිහිපය තුළ පකිස්තානයේ බලෝකිස්තාන කලාපය තුළ සටන්කාමී ප්‍රහාරවල වැඩිවීමක් දක්නට ලැබේ.
මාර්තු මාසයේදී ජෆාර් එක්ස්ප්‍රස් දුම්රිය ද සන්නද්ධ ප්‍රහාරකයින් විසින් ඉලක්ක කරන ලදී.
ඊට ප්‍රතිචාර වශයෙන්, මගී වාහන සඳහා රාත්‍රී කාලයේ ගමන් සීමා කිරීම් තවමත් ක්‍රියාත්මක වන අතර, පළාත පුරා ආරක්ෂාව සීරුවෙන් තබා ඇත.
