හයවන බිම්ස්ටෙක් සමුළුවට සහභාගී වීම සඳහා දෙදින සංචාරයක් අරඹමින් තායිලන්තයට පැමිණී ඉන්දීය අග්‍රාමාත්‍ය නරේන්ද්‍ර මෝදි බැංකොක් නුවරදී චාරිත්‍රානුකූල ගෞරව සම්මාන මුරයක් සහිතව පිළිගෙන තිබේ.
අගනුවරට පැමිණි ඉන්දීය අග්‍රාමාත්‍ය නරේන්ද්‍ර මෝදි පිළිගනු ලැබුවේ නියෝජ්‍ය අග්‍රාමාත්‍ය සහ ප්‍රවාහන අමාත්‍ය Suriya Jungrungreangkit විසිනි.
Don Mueang ගුවන් තොටුපළ වෙත පැමිණි මෝදි ඉන්දීය ප්‍රජාවෙන් උත්කර්ෂවත් පිළිගැනීමක් ලැබූ අතර ඔහුට උත්සවාකාරයෙන් පිළිගැනීමක් ද හිමි විය.
"බැංකොක්හි ඉන්දියානු ප්‍රජාව විසින් ලබා දුන් උණුසුම් පිළිගැනීමට කෘතඥ වෙනවා. ඉන්දියාව සහ තායිලන්තය අපේ ජනතාව හරහා දිගටම වර්ධනය වන ගැඹුරු මුල් බැසගත් සංස්කෘතික බැඳීමක් බෙදාහදා ගනී. මෙම සම්බන්ධතාවය මෙහි ඉතා ප්‍රබල ලෙස පිළිබිඹු වන බව දැකීමට සතුටුයි," අගමැති මෝදි ගුවන් තොටුපළේ සිට ඡායාරූප බෙදා ගනිමින් සිය සමාජ මාධ්‍ය ඔස්සේ තැබූ සටහනක පැවසීය.
මේ අතර ඉන්දීය විදේශ අමාත්‍යංශයේ ප්‍රකාශක රන්දීර් ජයිස්වාල් අග්‍රාමාත්‍ය නරේන්ද්‍ර මෝදි ගෞරව සම්මාන මුරයක් සමඟින් උත්සවාකාරයෙන් පිළිගැනීමේ ඡායාරූපය බෙදා ගනිමින් කියා සිටියේ, "ගෞරවනීය පිළිගැනීමක් සහිතව විශේෂ චාරිත්‍රානුකූල පිළිගැනීමක් සමග තායිලන්ත අගමැති Paetongtarn Shinawatra විසින් අද බැංකොක්හි රජයේ මන්දිරයේදී අගමැති නරේන්ද්‍ර මෝදි උණුසුම් ලෙස පිළිගත්තා" යනුවෙනි.
"අනාගත ඉන්දියා-තායිලන්ත හවුල්කාරිත්වය සඳහා මාර්ගය සකස් කිරීම සඳහා නායකයින් දෙදෙනා පුළුල් පරාසයක සාකච්ඡා පවත්වනු ඇත," ඔහු පැවසීය.
