තාරකාවක් වටා කක්ෂගත වන ජීවය පැවතිය හැකි දුරස්ථ ග්‍රහ ලෝකයක් සොයා ගැනීමට විද්‍යාඥයින් පිරිසක් සමත් වී තිබෙනවා.
කේම්බි්‍රජ් විශ්වවිද්‍යාලයේ මෙම කණ්ඩායම පවසන්නේ පෘථිවියේ වායුගෝලයට සමාන ලක්ෂණ මෙම ග්‍රහලෝකයේ ඇති බවයි.
මෙම ග්‍රහලෝකයේ ඇතැම් අනු කොටස් පෘථිවි ග්‍රහලෝකයට සමාන බවටද පැවසෙනවා.
එය නම් කර ඇත්තේ “කේ ටූ එයිටීන් බී” ලෙසයි.
මෙම ග්‍රහලෝකය සොයාගෙන ඇත්තේ නාසා හි ජේම්ස් වෙබ් අභ්‍යවකාශ දුරේක්ෂය මගින්.
ග්‍රහලෝකයක වායුගෝලයේ ජීවයට සම්බන්ධ රසායනික ද්‍රව්‍ය අනාවරණය කරගත් දෙවන සහ වඩාත් සාර්ථක අවස්ථාව මෙය බවටයි පැවසෙන්නේ.
නමුත් මෙම ප්‍රතිඵල තහවුරු කිරීම සඳහා තවත් දත්ත අවශ්‍ය බව මෙම කණ්ඩායම පවසා තිබෙනවා.
“කේ ටූ එයිටීන් බී” ග්‍රහලෝකය පෘථිවියේ ප්‍රමාණයෙන් දෙහමාරක ගුණයක් වන අතර පෘථිවියට සැතපුම් ටි්‍රලියන හත්සියයක් දුරින් පිහිටා ඇති බවයි විදෙස් මාධ්‍ය වාර්තා කළේ.
එම ග්‍රහලෝකයට අයත් වායුගෝලයේ ඇති බව කියන රසායනික ද්‍රව්‍ය ප්‍රමාණය පෘථිවිය සතුව ඇති ප්‍රමාණයට වඩා දහස් ගුණයකින් අධික බවයි කේම්බි්‍රජ් විශ්වවිද්‍යාලයේ පරික්‍ෂකයින් පවසන්නේ.
