මෙවර පලාත් පාලන මැතිවරණය යටතේ පොළොන්නරුව දිස්ත්‍රීක්කයට අයත් පොළොන්නරුව මහ නගර සභාව සදහා ජාතික ජන බලවේගයෙන් තරග වැදී සිටින නගරාධිපති අපේක්ෂක ලලිත් තිස්ස මහතාගේ නිවසට හා නිවස ඉදිරිපස නවතා තිබූ යතුරු පැදියකට අද හවස කිසියම් පිරිසක් විසින් ගිනි තබා විනාශ කර ඇත.
මෙලෙස ගිනි තබා ඇත්තේ ජාතික ජන බලවේගයේ පොළොන්නරූව මහ නගර සභාව සදහා නගරාධිපති අපේක්ෂකයා ලෙස කටයුතු කරනු ලබන ලලිත් තිස්ස මහතා පදිංචි පොළොන්නරුව මහසෙන් පෙදෙස පිහිටි ඔහුගේ නිවසටයි.
අද හවස 3ට පමණ මෙම ගිනි තැබීම සිදු කර ඇති අතර ප්‍රථමයෙන් නිවස ඉදිරිපිට නවතා තිබූ අපේක්ෂකයාගේ ම්ත්‍රයෙකුට අයත් යතුරු පැදියට ගිනි තබා ඇති අතර එයින් ඇතිවූ ගින්න නිවසට හා වහලය දක්වා පැතිර ගොස් වහලයට හා නිවසතුල වූ මුද්‍රණ යන්ත්‍රයකට හා ලිපි ලේකන රැසකට හානි සිදූව ඇත.
ගින්නෙන් යතුරු පැදියට බරපතල හානි සිදුව ඇත.
මේ පිලිබදව අදහස් දක්වමින් පොළොන්නරුව නගරාධිපති අපේක්ෂක ලලිත් තිස්ස මහතා පවසා සිටියේ තමන් නගරාධිපති අපේක්ෂක ලෙසට තරග වැදීම සම්බන්ධයෙන් ඇතැම් පිරිස් සමාජ මාධ්‍ය ඔස්සේ අවස්ථා ගණනාවකදී තම ජීවිතයට තර්ජන එල්ල කල බවත් ඒ සම්බන්ධයෙන් පොලීසිය විසින් නිසි පියවර නොගැනීම මත මෙම ම්ලේච්ඡ බියගුලු ප්‍රහාරය එල්ල කල බවයි.
මෙවැනි තර්ජන වලින් තම පක්ෂයේ හෝ තම ජයග්‍රහණය වැලැක්විය නොහැකි බවට හෙතෙම ප්‍රකාශ කල අතර මේ සම්බන්ධයෙන් සාධාරණ පරීක්ෂණයක් සිදුකොට ඊට සම්බන්ද පුද්ගලයින්ට එරෙහිව නීතිය ක්‍රියාත්මක කරන ලෙසට ඔහු වැඩිදුරටත් ඉල්ලා සිටියේය.
