රුසියානුවන් 23 දෙනෙකු පිටුවහල් කිරිමට බි‍්‍රතාන්‍ය ගත් තීරණයට සහය පළ කරන බව අමෙරිකාව පවසනවා. ඒ සඳහා සිය සමීපතම රාජ්‍යය සමග සහයෝගයෙන් කටයුතු කරන බවයි අමෙරිකාව වැඩිදුරටත් පවසන්නේ.
බි‍්‍රතාන්‍යයේ රැඳී සිටි රුසියාවේ හිටපු රහස් ඔත්තුකරුවෙකුට හා ඔහුගේ දියණියට පසුගියදා මාරාන්තික රසායනික ප‍්‍රහාරයක් එල්ල වුණා. ඒ සම්බන්ධයෙන් බි‍්‍රතානය ඇතුළු පාර්ශව රැසක් චෝදනා එල්ල කළේ රුසියාවටයි. ඒ සම්බන්ධයෙන් කරුණු දැක්වීමට රුසියාව අපොහොසත් හේතුවෙන් ඊට ප‍්‍රතිචාර දක්වා රට තුළ සිටින රුසියානුවන් 23 දෙනෙකු පිටුවහල් කිරිමටයි බි‍්‍රතාන්‍ය තීරණය කළා. කෙසේවෙතත් අදාළ සිද්ධිය සම්බන්ධයෙන් එල්ල වන චෝදනා රුසියාව තරයේ ප‍්‍රතික්ෂේප කරනවා.
