අයවැය පාර්ලිමේන්තුවට ඉදිරිපත් කරන අද දිනයේ පාර්ලිමේන්තුව තුළ සහ ඒ අවට විශේෂ ආරක්ෂක වැඩපිළිවෙලක් ක්රියාත්මක වන බව වේත්රධාරී නරේන්ද්ර ප්රනාන්දු පවසනවා. එමෙන්ම අද දිනයේ පාර්ලිමේන්තුවේ ගැලරිය සාමාන්ය ජනතාවට විවෘත වන්නේ නැහැ.
එහෙත් විශේෂ අමුත්තන් සදහා වන කතානායක ගැලරියට පැමිණ අයවැය කතාව ඉදිරිපත් කරන ආකරය නැරඹීමට රාජ්ය තාන්ත්රික නිලධාරීන්ට ආරාධනා කර තිබෙනවා.
ඊට අමතරව ජනාධිපති රනිල් වික්රමසිංහ මහතාගේ ඉල්ලීමකට අනුව පාර්ලිමේන්තුවේ ගැලරියට පාසල් ළමුන් සහ තරුණයන් ඇතුළු 500 දෙනෙකු පැමිණීමට නියමිතයි.
ඊට බස්නාහිර පළාතේ පාසල්වල ප්රධාන ශිෂ්ය නායකයින් සහ ජ්යේෂ්ඨ ශිෂ්ය නායකයින් 250 දෙනෙකුට පමණ අවස්ථාව ලබාදී තිබෙනවා.
යොවුන් පාර්ලිමේන්තුවේ නියෝජිතයින් 200ක් සහ යොවුන් සේනාංකවල සිටින තෝරාගත් තරුණයින් සිය දෙනෙකුටද ඒ සදහා අවස්ථාව හිමිවීම විශේෂත්වයක්.
එමෙන්ම මුදල් අමාත්යවරයා අයවැය පාර්ලිමේන්තුවට ඉදිරිපත් කිරීමෙන් පසු පවත්වනු ලබන සාම්ප්රදායික තේපැන් සංග්රහය මෙවර නොපැවැත්වෙන බවයි පාර්ලිමේන්තු වේත්රධාරී නරේන්ද්ර ප්රනාන්දු වැඩිදුරටත් පැවසුවේ.