රුවල් ඔරු නෙක්රා 17 මිශ්‍ර අවසන් තරඟයේ ඉසව්වේ රන් පදක්කම ආජන්ටිනාවේ සිසිලියා සරේලි සහ සැන්ටියාගෝ ලැන්ගේ ජයග්‍රහණය කිරීමට සමත් වුණා.
මෙහි විශේෂත්වය වන්නේ 54 හැවිරිදි සැන්ටියාගෝ ලැන්ගේ පිළිකාවක් නිසා පෙනහල්ලෙන් බාගයක් ඉවත්කර අසනීප තත්වයේ පසුවන ක්‍රීඩකයෙකු වීමයි.
මෙවර ඔලිම්පික් උලළේ පදක්කමක් දිනාගත් වයස්ගතම ක්‍රීඩකයා ද ඔහු වනවා.
ඔහුගේ පෙනහල්ලෙන් කොටසක් ඉවත්කර ඇත්තේ මීට වසරකට පෙරදීයි.
ඔහුගේ පුතුන් දෙදෙනාද ආජන්ටිනාවේ වෙනත් ඔරු පැදීම් තරඟ වෙනුවෙන් වෙනත් යුගල ඉසව් නියෝජනය කරනවා.
තරඟය අවසානයේ දී ලැන්ගේ පවසා තිබෙන්නේ මෙය තමාට විශ්වාස කළ නොහැකි බවයි.
තවද ‘මෙය මට බොහෝ සංවේදී තරඟයක් වුණා.මා මාගේ පුතුන් ක්‍රීඩා කරන තරඟ නරඹනවා,ඔවුන් මා ක්‍රීඩා කරන තරඟ නරඹනවා දැන් අප එක්වී ජයග්‍රහණය සමරනවා.මෙය මට අදහා ගත නොහැකි යන්නයි‘ යැයි ඔහු පවසා තිබෙනවා.
ඡායාරූප පහතින් නරඹන්න.
