දැනට ක්රියාත්මක වන සරල කරන ලද එකතු කළ අගය මත බදු ක්රමවේදය ලබන වසරේ ජනවාරි 01 වනදා සිට ක්රියාත්මක වන පරිදි අහෝසි කිරීමට තීරණය කර තිබෙනවා.
මුදල්, ආර්ථික ස්ථායිකරණ සහ ජාතික ප්රතිපත්ති අමාත්ය ජනාධිපති රනිල් වික්රමසිංහ මහතා විසින් ඉදිරිපත් කළ ඊට අදාළ යෝජනාවට කැබිනට් මණ්ඩලයේ අනුමැතිය හිමිවූ බවයි කැබිනට් ප්රකාශක අමාත්ය ආචාර්ය බන්දුල ගුණවර්ධන පැවසුවේ.
අමාත්ය මණ්ඩල තීරණ දැනුම්දීම සඳහා රජයේ ප්රවෘත්ති දෙපාර්තමේන්තුවේ අද පැවැති මාධ්ය හමුවට එක්වෙමින් අමාත්යවරයා මෙම අදහස් පළ කළා.