ප්‍රංශයේ ජාතික දිනය හෙවත් බැස්ටිල් දිනය මෙම මස 14 වනදාට යෙදී තිබෙනවා. මෙවර එහි ගෞරවනීය රාජ්‍ය නායකයාගේ සහභාගීත්වය වෙනුවෙන් ආරාධනය හිමිව ඇත්තේ ඉන්දියාවට බවයි විදෙස් මාධ්‍ය වාර්තා කළේ. ඒ අනුව ඉන්දීය අග්‍රාමාත්‍ය නරේන්ද්‍ර මෝදි මෙවර ප්‍රංශ බැස්ටිල් දිනයේ ගෞරවනීය ආරාධිතයා ලෙස සහභාගී වීමට නියමිතයි. ප්‍රංශ ජනාධිපති එම්මානුවෙල් මැක්රන් වැසින් එම ආරාධනය සිදුකර ඇති බව ද විදෙස් මාධ්‍ය වාර්තා කළා. ඉන්දියාව සහ ප්‍රංශය අතර පවතින රාජ්‍ය තාන්ත්‍රික සබඳතා සඳහා වසර 25 ක් සපිරීම ද මෙවර සැමරෙන බව සඳහන්. බැස්ටිල් දිනය වෙනුවෙන් ප්‍රංශ හමුදාව සිදුකරන හමුදා පෙළපාලිය සඳහා ද ඉන්දීය හමුදාවේ භට පිරිසක් සහභාගී වීමට නියමිත බවයි වාර්තා වන්නේ.
