අවසන් පාසල් වාර විභාග හෙට සිට

2024 වර්ෂයේ රජයේ පාසල් හා රජයේ අනුමත පෞද්ගලික පාසල්වල තෙවන පාසල් වාරයේ අවසන් අදියර අදින් ආරම්භ වුණා. 

ඒ අනුව සියලු‍ම පාසල් අද සිට ජනවාරි මස 24 වන දින දක්වා පැවැත්වීමටයි තීරණය කර ඇත්තේ. 

පාසල් ආරම්භයෙන් අනතුරුව හෙට සිට අවසන් පාසල් වාර විභාග කටයුතු පැවැත්වීමට සුදානම් කර තිබෙනවා. 

2025 වසරේ නව පාසල් වාරය ආරම්භ වන්නේ ජනවාරි මස 27 වනදා සිටයි.

මේ අතර, රජයේ හා රජයේ අනුමත පෞද්ගලික පාසල්වල 2025 වසර සඳහා පළමු ශ්‍රේණියේ සිසුන් සඳහා පාසල් ආරම්භය ජනවාරි මස 30 වනදා සිදුකිරීමට නියමිතයි.