මරණ දඬුවමට ලක්ව සිටින දුමින්ද සිල්වාට වැලිකඩ බන්ධනාගාර රෝහල තුළ විශේෂ පහසුකම් සපයා ඇති බවට පළවන වාර්තා ප්‍රතික්ෂේප කරන බව බන්ධනාගාර දෙපාර්තමේන්තුව පවසනවා.
ඔහුට විශේෂ පහසුකමක් ලබා දී නොමැති බවයි බන්ධනාගාර මාධ්‍ය ප්‍රකාශක, කොමසාරිස් ගාමිණී දිසානායක මහතා පැවසුවේ.
කෙසේවෙතත් දුමින්ද සිල්වාට තවදුරටත් බන්ධනාගාර රෝහලේ නේවාසිකව ප්‍රතිකාර ලබාදිය යුතු ද යන්න සම්බන්ධයෙන් සෞඛ්‍ය සේවා අධ්‍යක්ෂ ජනරාල්වරයාගෙන් විමසා ඇති බවයි බන්ධනාගාර මාධ්‍ය ප්‍රකාශකවරයා වැඩිදුරටත් පැවසුවේ.
