පාර්ලිමේන්තුවේ ආණ්ඩු පක්ෂයේ සහ විපක්ෂයේ මන්ත්රී සංයුතිය වෙනස් කිරීම එතරම් අපහසු දෙයක් නොවන බව හිටපු ජනාධිපති මහින්ද රාජපක්ෂ මහතා පවසනවා.
වැඩි කල් නොගොස් එවැනි වෙනසක් සිදු වන බවයි ඔහු වැඩිදුරටත් කියා සිටියේ. ‘‘අරගලයට පණ පොවන නව ජනතා බලවේගය’’ යන මැයෙන් රත්නපුරයේ ඊයේ (08) පැවති ආණ්ඩු විරෝධි රැළියේ දී මෙම අදහස් පළ කෙරුණා.
මෙම අවස්ථාවේ සියලු දෙනා එක්විය යුත්තේ දිනාගත් රට නැවත නොබෙදා ආරක්ෂා කර ගැනීමට බව ද මහින්ද රාජපක්ෂ මහතා මෙහි දී අවධාරණය කළා.
මෙහි දී අදහස් දැක් වූ ජාතික නිදහස් පෙරමුණේ නායක පාර්ලිමේන්තු මන්ත්රී විමල් වීරවංශ කියා සිටියේ වත්මන් ආණ්ඩුව යටතේ මාධ්‍ය නිදහස ද අහුරා ඇති බවයි. මන්ත‍්‍රීවරයා එම අදහස් පළ කළේ රැළිය ආවරණය කිරීමට යොදා තිබූ එක් එක් මාධ්‍ය ආයතනවල ලාංඡන සහිත මයික‍්‍රෆෝන ද පෙන්වමින්.
මාධ්‍ය නිදහස ඇත්නම් නොබියව ප‍්‍රචාරය කරන ලෙස අභියෝග කරමින්, විමල් වීරවංශ මන්ත‍්‍රීවරයා තවත් ප‍්‍රකාශයක් කළා.
(එම ප්‍රකාශය පහතින් අහන්න)
පාර්ලිමේන්තු මන්ත්රී වාසුදේව නානායක්කාර ද රැළිය අමතා කතා කළා. ඔහු පැවසුවේ ජනතාව දැන් සිටින්නේ මැතිවරණයක් පිළිබඳ පිපාසයෙන් බවයි.
(එම ප්‍රකාශය පහතින් අහන්න)
(රැළිය අමතමින් කතා කළ පාර්ලිමේන්තු මන්ත්රී පවිත‍්‍රා වන්නිආරච්චි.)
හිටපු අමාත්‍ය බැසිල් රාජපක්ෂ ද ඒකාබද්ධ විපක්ෂය නියෝජනය කරන පක්ෂ නායකයින් සියලු දෙනාම පාහේ සහ ශ‍්‍රී ලංකා නිදහස් පක්ෂයේ මහජන නියෝජිතයින් ද මෙම රැළියට සහභාගී වී සිටියා.
(පහත වීඩියෝවේ කාලය 12.00 සිට නරඹන්න..)
