වනජීවී දෙපාර්තමේන්තුවේ වෙබ් අඩවියට පිවිසීමට නොහැකි වීම හේතුවෙන් අන්තර් ජාලය ඔස්සේ සිදුකෙරෙන වෙන්කරවා ගැනීම් කිසිවක් මේ වන විට සිදුකර ගැනීමට නොහැකි වී තිබෙනවා.
සේවා සහ තොරතුරු ලබාගැනීම සඳහා වනජීවී දෙපාර්තමේන්තුවේ https://dwc.lankagate.gov.lk/ වෙබ් අඩවියට පිවිසීමට ඇති බාධා සම්බන්ධයෙන් විෂය භාර අමාත්‍යවරයාගේද අවධානය යොමුව තිබෙනවා. ඒ, නෙත් නිවුස් කළ අනාවරණයකින් පසුවයි.
අමාත්‍ය ගාමිණී ජයවික‍්‍රම පෙරේරා පැවසුවේ මේ සම්බන්ධයෙන් වහාම සොයා බැලීමක් සිදුකරන බවයි. මේ සම්බන්ධයෙන් පැමිණිළි ලැබුණු බවත්, අදාළ පුද්ගලයන්ගෙන් වාර්තාවක්ද ඉල්ලූ බවයි ඔහු වැඩිදුරටත් සඳහන් කළේ.
