මීගොඩ, නාගහවත්ත ප්‍රදේශයේදී පසුගියදා පුද්ගලයෙකු වෙඩි තබා ඝාතනය කිරීමේ සිද්ධියට සම්බන්ධ තවත් සැකකරුවන් තිදෙනෙකු අත්අඩංගුවට ගෙන තිබෙනවා.
පොලිසිය පැවසුවේ සැකකරුවන් හෝමාගම හා මීගොඩ පොලිස් වසම්වලදී අත්අඩංගුවට ගත් බවයි. සැකකරුවන් පාදුක්ක සහ මීගොඩ ප්‍රදේශවල පදිංචිකරුවන් වනවා.
ඔවුන්ගෙන් එක් සැකකරුවෙකු එම වෙඩි තැබීම සිදු කිරීමට වෙඩික්කරු සමඟ පැමිණි පුද්ගලයෙකු වනවා.
අනෙක් සැකකරුවන් දෙදෙනා එම අපරාධය සිදු කිරීමට ආධාර අනුබල දීම හා කුමන්ත්‍රණය කිරීම යන චෝදනා යටතේ අත්අඩංගුවට ගත් බවයි බස්නාහිර පළාත් දකුණ අපරාධ කොට්ඨාසය පැවසුවේ.
මීගොඩ, නාගහවත්ත ප්‍රදේශයේදී මෝටර් රථයකින් ගමන් කරමින් සිටි අදාළ පුද්ගලයා වෙඩි තබා ඝාතනය කර තිබුණේ පසුගිය 12 වනදායි.
සිද්ධිය සම්බන්ධයෙන් බස්නාහිර පළාත් - දකුණ අපරාධ කොට්ඨාසය සහ මීගොඩ පොලිස් ස්ථානය විමර්ශන ආරම්භ කළා.
ඒ අනුව අදාළ අපරාධයට සම්බන්ධ වෙඩික්කරු සහ තවත් සැකකරුවෙකු බස්නාහිර පළාත් - දකුණ අපරාධ කොට්ඨාසයේ නිලධාරින් විසින් මීට පෙර අත්අඩංගුවට ගනු ලැබුවා.
