දරු උපත් සඳහා සිසේරියන් සැත්කම වැඩි වශයෙන් භාවිත කිරීම මගින් කාන්තා සිරුරේ සැකැස්ම වෙනස් විය හැකි බව විද්‍යාත්මක අධ්‍යයනයකින් හෙළි වී තිබෙනවා.
මෙම අධ්‍යයනය සිදු කළ විද්‍යාඥයින් උපුටා දක්වමින් බී. බී. සී. ලෝක සේවය පවසන්නේ ස්වභාවික දරු ප‍්‍රසූතියක් සඳහා කාන්තා සිරුරේ ඇතිවිය යුතු සූදානම පරම්පරාවෙන් පරම්පරාවට ජාන මගින් උරුම වීම මෙමගින් සීමා විය හැකි බවයි.
මෙහි අවසන් ප‍්‍රතිඵලය ලෙස ස්වභාවික දරු ප‍්‍රසූතියක් සඳහා කාන්තාවකට ඇති හැකියාව අනාගතයේ දී නැති වී යාමට ද ඉඩ ඇති බව විද්‍යාඥයින් ප‍්‍රකාශ කර තිබෙනවා.
