අන්තර් ජාතික පිහිනුම් සම්මේලනය විසින් සංවිධාන කෙරුණු 13 වන ලෝක ශූරතා පිහිනුම් තරගාවලියේදී නව ශී‍්‍ර ලංකා වාර්තා 6 ක් බිහි කිරීමට කිමිකෝ රහීම් සහ කයිල් අබේසිංහ සමත් වුණා. කැනඩාවේ පැවැත්වුණු මෙම තරගාවලිය නිමාව දුටුවේ ඊයේ (11)දිනයේයි.
කිමිකෝ රහීම් මෙහි දී පිහිනුම් ඉසව් හයකට සහභාගී වූ අතර නව ශී‍්‍ර ලංකා වාර්තා 3 ක් බිහි කිරීමට ඇය සමත් වුණා. ඒ, මීටර් 50 පසුපසආර, මීටර් සියය පසුපසආර සහ මීටර් දෙසියය පසුපසආර යන ඉසව්වලින්.
කයිල් අබේසිංහ පිහිනුම් ඉසව් 4 කට සහභාගි වූ අතර නව ශී‍්‍ර ලංකා වාර්තා 2ක් බිහි කිරීමට ඔහු සමත් වුණා. ඒ, මීටර් 200 නිදහස්ආර පිහිනුම් ඉසව්වෙන් සිය සොහොයුරා වන මැතිව් අබේසිංහ පිහිටුවා තිබූ ශී‍්‍ර ලංකා වාර්තාව සහ මීටර් 200 කේවල මිශ‍්‍ර ආර ඉසව්වෙන් එෂාන් උනම්බුව පිහිටුවා තිබූ ශී‍්‍ර ලංකා වාර්තාවයි.
