ශ‍්‍රී ලංකාවට බලපෑම් කළ වර්ධා සුළි කුණාටුව මේ වනවිට දිවයිනෙන් ඉවතට ගමන් කර ඇති බව කාලගුණ විද්‍යා දෙපාර්තමේන්තුව පවසනවා.
කෙසේ වෙතත් වර්ධා සුළි කුණාටුව තවදුරටත් සුළු වශයෙන් හෝ ශ‍්‍රී ලංකාවේ කාලගුණයට බලපෑම් කරනු ඇතැයි කාර්යයේ නියුතු කාලගුණ විද්‍යාඥ කසුන් පැස්කුවෙල් සඳහන් කළා.
දිවයින වටා මුහුදු ප‍්‍රදේශයේ ද සුළං සහ වැසි ඇතිවිය හැකි බවයි ඔහු කියා සිටියේ. ධීවර සහ නාවික ප‍්‍රජාව මේ සම්බන්ධයෙන් තවදුරටත් විමසිල්ලෙන් පසුවිය යුතු බවයි ඔහු වැඩිදුරටත් පැවසුවේ.
