පවතින නියඟය හේතුවෙන් මධ්‍යම පළාතේ ජල මූලාශ‍්‍ර සිඳී යාමත් සමග එම පළාතට අඛණ්ඩව පානීය නල ජලය බෙදාහැරීම අපහසු වී ඇති බව ජාතික ජල සම්පාදන හා ජලාපවහන මණ්ඩලය පවසනවා.
එහි මධ්‍යම පළාත් නියෝජ්‍ය සාමාන්‍යාධිකාරී කේ.පී.ආර්.ඒ. සමරසිංහ මේ බව කියා සිටියේ මහනුවර දිස්ත‍්‍රික් ලේකම් කාර්යාලයේ අද (13) පැවති රැස්වීමකදීයි.
තවදුරටත් වැසි රහිත කාලගුණික තත්ත්වයක් පැවතියහොත් මධ්‍යම පළාතේ නල ජල සැපයුම අඛණ්ඩව සිදුකිරීමට නොහැකි වන බවයි මෙහිදී අනාවරණ කෙරුණේ.
ඉදිරියේදී ජල සැපයුම අත්හිටුවීමට සිදුවුවහොත් එම කාලයන් හිදී බවුසර් මගින් පානීය ජලය බෙදාහැරීම කෙරෙහි ද මෙහිදී සාකච්ඡාවට ලක්ව තිබෙනවා.
