මොරගහකන්ද ජලාශයට මේ වන විට අක්කර අඩි පනස් හයදහසක් පමණ ජලය පිරී ඇතැයි එහි ජ්‍යෙෂ්ඨ ව්‍යාපෘති අධ්‍යක්ෂ ඩී.බී. විජේරත්න පවසනවා.
ජලාශයේ ස්වභාවය පිළිබඳ අධීක්ෂණය කරන බවයි ඔහු වැඩිදුරටත් කියා සිටියේ.
ජනවාරි මස 11 වැනිදා මෙම මොරගහකන්ද ජලාශයට ජලය පිරවීම ආරම්භ කෙරුණා. ජලය පිරවීම එකවර සිදු නොකරන බවයි එහි ජ්‍යෙෂ්ඨ ව්‍යාපෘති අධ්‍යක්ෂ ඩී.බී. විජේරත්න පැවසුවේ.
ඒ අනුව දැනට පරීක්ෂණ මට්ටමේ රඳවා ඇති ජලය ප්‍රමාණය දින 07 ක් තබා ඇති බවත් සඳහන් කළා. ඒ අනුව හෙට (03) සිට යළි ජලය මට්ටම වැඩි කිරීමට කටයුතු කරනු ඇති. ඒ දක්වා වැඩිවෙන වතුර ප්‍රමාණය පහළ වැව් සඳහා නිකුත් කෙරෙනවා.
ඇලහැර ව්‍යාපෘතිය යටතේ වන කුඹුරු ඉඩම්වලට ජලය මුදාහැරීම ද ආරම්භයේ සිටම සිදු කෙරෙන බවද මෙහිදී ප‍්‍රකාශ කෙරුණා.
