බදු අයකර ගැනීම සදහා දැනට තිබෙන පටිපාටීන් වඩා කාර්යක්ෂම සහ විධිමත් විය යුතු බව ජනාධිපති මෛත‍්‍රීපාල සිරිසේන මහතා පවසනවා.
ජනාධිපතිවරයා ඒ බව පැවසුවේ දේශීය ආදායම් කොමසාරිස්වරුන්ගේ සංගමයේ 16 වන වාර්ෂික සමුළුව අද අමතමින්.
දේශීය ආදායම් බදු දෙපාර්තමේන්තුවේ සහකාර කොමසාරිස්වරුන් සදහා පවතින පුරප්පාඩු නියමිත කාලයේ දී පුරවා නොතිබීම පිළිබදව ද ජනාධිපතිවරයාගේ අවධානය යොමු වුණා.
සාකච්ඡා කර එම ගැටළු විසදා ගත යුතු බවයි එහිදී අවධාරණය කෙරුණේ.
මුදල් අමාත්‍ය රවී කරුණානායක සහ මුදල් රාජ්‍ය අමාත්‍ය ලක්ෂ්මන් යාපා අබේවර්ධන ද මෙම අවස්ථාවට සහභාගී වී සිටියා.
