දුම්රිය දෙපාර්තමේන්තුවේ හා සෞඛ්‍ය අමාත්‍යංශයේ රැකියා ලබාදෙන බව පවසා පුද්ගලයින්ගේ මුදල් වංචා කළ බව කියන දුම්රිය දෙපාර්තමේන්තුවේ සේවකයෙකු සම්බන්ධයෙන් නෙත් එෆ් එම් බැලූම්ගල අනාවරණයෙන් පසු විශේෂ පරීක්ෂණයක් ආරම්භ කර තිබෙනවා.
පරීක්ෂණය නිම වන තෙක් තාවකාලිකව ඔහුගේ වැඩ තහනම් කිරීමටයි තීරණය කර ඇත්තේ.
සුමිත් සමරවීර නමැති මෙම පුද්ගලයා දුම්රිය දෙපාර්තමේන්තුවේ පාර්සල් සහ නිවේදන අංශයේ සේවය කළා.
ඔහු සිදු කරන වංචාව සම්බන්ධයෙන් නෙත් එෆ්. එම්. බැලූම්ගල ඉකුත් දා අනාවරණ කළේ මෙලෙසින්.
මෙම පුද්ගලයා සිදු කළ වංචා සම්බන්ධයෙන් තොරතුරු දන්නේ නම් ඒ පිළිබඳ දැනුම් දෙන ලෙසයි දුම්රිය දෙපාර්තමේන්තුව මහජනතාවගෙන් ඉල්ලා සිටින්නේ.
