දිවයිනට බලපා ඇති ආපදා තත්ත්වය හේතුවෙන් විපතට පත් ජනතාවට සහන සැලසීමේ අරමුණින් ක‍්‍රියාත්මක දිරිය නෙත් සමාජ සත්කාරක වැඩසටහන දිවයිනේ ප‍්‍රදේශ රැසක දී අද දිනයේ ද ක‍්‍රියාත්මක වනවා.
මෙම සමාජ සත්කාරය සඳහා දිවයිනේ නන්දෙසින් පැමිණෙන ජනතාවගෙන් ලැබෙන්නේ ඉහළ ප‍්‍රතිචාරයක්.
ඊයේ දිනයේ ද දිරිය නෙත් ආධාර එකතු කිරීමේ මධ්‍යස්ථාන වෙත ආධාර ලබාදීම සඳහා විශාල පිරිසක් පැමිණ සිටියා.
ඔබේ ආධාර අද දිනයේ ද එම මධ්‍යස්ථාන වෙත ගෙනවිත් භාරදිය හැකියි.
ඒ අනුව බම්බලපිටිය දුම්රියපොළ අසළ ඕෂන් ගොඩනැගිල්ලේ නෙත් එෆ්.එම්. මෙහෙයුම් කාර්යාලයේ දී අද දිනයේ ද පරිත්‍යාග භාරගැනීම සිදු වනවා.
කොල්ලූපිටිය 05 වන පටුමගේ අංක 105/3 ස්ථානයේ පිහිටි නෙත් එෆ්.එම්. ප‍්‍රධාන කාර්යාලයේ ද ඔබේ ආධාර භාරදිය හැකියි.
බත්තරමුල්ල ආර්පිකෝ සුපර් සෙන්ටර් අසල පිහිටි ට‍්‍රැවල් නෙත් කාර්යාලය ද ආධාර භාරගැනීම සඳහා කටයුතු සුදානම් කර තිබෙනවා.
පූජ්‍ය ගලිගමුවේ ඥාණදීප හිමියන් වැඩ වෙසෙන අතුරුගිරිය සිරි සඳහම් පදනමට ද ඔබේ ආධාර භාරදිය හැකියි.
පූජ්‍ය වල්පොල ගෝතම හිමියන් වැඩ වෙසෙන පිළියන්දල පිඟන් සංස්ථාව පාරේ ශාන්ති නිකේතනයේ දී ද දිරිය තෙන් සමාජ සත්කාරයට ආධාර භාර ගැනෙනවා.
පූජ්‍ය කිරම විමලජෝති හිමියන් වැඩ වෙසෙන දෙහිවල නැදිමාල ඇන්ඩර්සන් පාරේ ජාත්‍යන්තර බෞද්ධ මධ්‍යස්ථානයට ද ආධාර ගෙනවිත් භාරදිය හැකියි.
කඩවත නගර මධ්‍යයේ පිහිටි ශ්රී බිම්බාරාම විහාරස්ථානය ද ආධාර භාරගන්නා මධ්‍යස්ථානයක්.
පානදුර පල්ලෙමුල්ල සිරිනිවාසාරම විහාරස්ථානය ද ආධාර භාරගැනීම සඳහා මේ වනවිටත් කටයුතු සූදානම් කර තිබෙනවා.
දිරිය නෙත් සමාජ සත්කාරය යටතේ ගාල්ල, කළුවැල්ල , වර්ණපාල සහ සහෝදරයෝ ආයතනයේ හා මාතර පල්ලිමුල්ල මනම්පේරි ෆූඞ් සෙන්ටර් ආයතනයේ ද ආධාර භාරගැනීමේ මධ්‍යස්ථාන ස්ථාපිත කර තිබෙනවා.
මීට අමරතව මහනුවර කැන්ඩි සිටි සෙන්ටර්හි තුන්වන මහලේ පිහිටි ආධාර එකතු කිරීමේ මධ්‍යස්ථානයට ඔබේ ආධාර ගෙනවිත් භාර දිය හැකියි.
