හෝමාගම ප‍්‍රදේශයේ ආපනශාලාවක දී එහි හිමිකරුට සහ සේවකයෙකුට පහරදුන් බවට සැකපිට පුද්ගලයින් 07 දෙනෙකු අත්අඩංගුවට ගෙන තිබෙනවා.
මෙම පහරදීම සිදුව තිබුණේ ඉකුත් මැයි මස පළමු වැනි දිනයි. එදින මෙම ආපනශාලාවට පැමිණි සැකකරුවන් ආහාරයට ගැනීම සඳහා කොත්තු ඇණවුම් කර ඇති අතර ඒ සම්බන්ධයෙන් ඇති වූ බහින්බස් වීමක් ගැටුමට හේතු වී තිබෙනවා.
පහරකෑමෙන් පසු සැකකරුවන් පැමිණි වාහනයේ අංක හෝමාගම පොලිසියට ලබාදීමට ආපනශාලාවේ හිමිකරු කටයුතු කර තිබුණා.
ඒ අනුව සිදු කළ පරීක්ෂණවලට අනුව අත්අඩංගුවට ගත් සැකකැවන් හෝමගම මහේස්ත‍්‍රාත්වරයා හමුවට ඉදිරිපත් කිරීමෙන් අනතුරුව ඇප මත මුදා හැර තිබෙනවා.
