එළඹෙන මැතිවරණයේදී ඒකාබද්ධ විපක්ෂය සමග සන්ධාන ගතවී තරග වැදීමට ශ‍්‍රි ලංකා නිදහස් පක්ෂය සූදානම් වන බව පක්ෂ අභ්‍යන්තර ආරංචි මාර්ග පවසනවා. ඒ අනුව, හිටපු ජනාධිපති මහින්ද රාජපක්ෂ මහතා සමග මේ සම්බන්ධයෙන් සාකච්ඡා පැවැත්වීමට ශ‍්‍රි ලංකා නිදහස් පක්ෂයේ නියෝජිතයන් තිදෙනෙකු ද පත් කර ඇති බවයි වාර්තා වන්නේ. අමාත්‍ය නිමල් සිරිපාල ද සිල්වා, රාජ්‍ය අමාත්‍ය ඩිලාන් පෙරේරා සහ නියෝජ්‍ය අමාත්‍ය ලසන්ත අලගියවන්න එම තිදෙනායි.
මෙම යෝජනාව ඉදිරිපත්කර ඇත්තේ බස්නාහිර පළාත් ප්‍රධාන අමාත්‍ය ඉසුර දේවප්‍රිය විසින්.
පුළුල් සන්ධානයක් යටතේ එළඹෙන පළාත් පාලන මැතිවරණය ට තරග වැදීමේ දී දෙපාර්ශවය අතර ඇති කරගන්නා කොන්දේසි කිහිපයක් සම්බන්ධයෙන් ද මේ වනවිටත් සාකච්ඡා කර ඇති බවයි දේශපාලන ආරංචි පවසන්නේ. දෙපාර්ශවය විසින් තෝරාගත් පළාත් පාලන ආයතන 50ක් සඳහා සිය නියෝජතයින් පත් කර ගන්නා බවයි වැඩිදුරටත් වාර්තා වුණේ. ඒ අනුව, ඉදිරි මැතිවරණයේදී ඒකාබද්ධ විපක්ෂය සහ ශ්රී ලංකා නිදහස් පක්ෂය බුලත් කොළය ලකුණින් තරග වැදීමට ද යෝජනා වී තිබෙනවා.
