හෙරොයින් මිශ්‍ර කළ ටොෆි තොගයක් විවිධ ප්‍රදේශවල අලෙවි කරමින් ඇති බවට තොරතුරු වාර්තා වී තිබෙනවා.
යාපනය නගරයේ තැනින් තැන මෙලෙස අලෙවි කරමින් සිටි පුද්ගලයින් දෙදෙනෙකුව යාපනය පොලීසිය මගින් ඊයේ (28) අත්අඩංගුවට ගත්තා.
මෙම සැකකරුවන් දෙදෙනාගෙන් එක් අයෙකු දෙමළ ජාතිකයෙකු වන අතර අනෙක් තැනැත්තා මුස්ලිම් ජාතිකයෙකි.
ඔවුන්ගේ ගමන් මල්ලක් තුළ සඟවා ගෙන මෙම ටොෆි අලෙවි කර තිබෙනවා.
පොලීසිය පවසන්නේ පාසල් සිසුන්ද මෙම වෙළෙන්දන්ගේ හෙරොයින් මිශ්‍ර ටොෆි මිලදී ගෙන ඇති බවයි.
සැකකරුවන් දෙදෙනා අත්අඩංගුවට ගන්නා ලද අවස්ථාවේදී ඔවුන් ළඟ හෙරොයින් මිශ්‍රකරන ලද ටොෆි 50 ක් පමණ තිබී ඇති අතර සැකකරුවන් දෙදෙනාව අද (29) අධිකරණයට ඉදිරිපත් කිරීමට නියමිතයි.
