වැසි හා තද සුළං සමග සිදුවූ ආපදා හේතුවෙන් මේ වනවිට පුද්ගලයන් 17 දෙනකු රෝහල්ගත කර තිබෙනවා.
කොළඹ අවට සිදුවූ ආපදා තත්වයෙන් තුවාල ලැබූ පුද්ගලයින් 11 දෙනකු කොළඹ ජාතික රෝහලට ඇතුළත් කර ඇති බවයි එහි ප‍්‍රකාශිකාවක් නෙත් නිවුස් වෙත කියාසිටියේ. ගස් කඩාවැටීම හේතුවෙන් මෙම පිරිස තුවාල ලබා තිබෙනවා.
තුවාල ලැබූවන් 5 දෙනකු ද කළුබෝවිල ශික්ෂණ රෝහලට ඇතුළත් කර ඇති බවයි එහි ප‍්‍රකාශිකාවක් නෙත් නිවුස් වෙත කියාසිටියේ. ආපදා හේතුවෙන් තුවාල ලැබූ තවත් එක් අයෙක් මාතර මහරෝහලට ඇතුළත් කෙරුණා.
මේ අතර හික්කඩුව මුහුදු තීරයේදී බෝට්ටු 2ක් පෙරලීමෙන් පුද්ගලයින් 5 දෙනකු අතුරුදන් වී තිබෙනවා.
ඔවුන් සොයා මේ වනවිට නාවික හමුදාව මගින් මෙහෙයුමක් කි‍්‍රයාත්මකයි.
