කාන්තා මැරතන් ධාවන ඉසව්වෙන් නව ශ්‍රී ලංකා වාර්තාවක් බිහි කිරීමට හිරුණි විජේරත්න සමත් වී තිබෙනවා.
ඒ, හීස්ටන් ජාත්‍යන්තර මැරතන් ධාවන තරගයේදීයි.
එහිදී ඇය දැක්වූ දක්ෂතාව පැය දෙකයි විනාඩි 36යි තත්පර 35ක්. හිරුණි මෙලෙස බිඳ දැමුවේ පැය දෙකයි විනාඩි 40යි තත්පර 07ක කාලයකින් නිලුකා රාජසේකර මීට පෙර බිහිකර තිබූ වාර්තාවයි.
නව දක්ෂතාවත් සමග හිරුණි විජේරත්නට මෙම වසරේ අප්‍රේල් මාසයේ පැවැත්වෙන පොදු රාජ්‍ය මණ්ඩලීය ක්‍රීඩා උළෙල සඳහා සුදුසුකම් ලබාගැනීමේ අවස්ථාව ද හිමිවුණා.
දැනට අමෙරිකාවේ ජීවත් වන හිරුණි විජේරත්න 2017 වසරේ ලන්ඩන් මැරතන් ධාවන ඉසව්වට සහ ලෝක ශුරතා මළල ක්‍රීඩා තරගාවලියට ද සුදුසුකම් ලබාගත්තා.
