පළාත් පාලන මැතිවරණයේ තැපැල් ඡන්ද විමසීමේ තුන්වන අදියර අද ආරම්භ වනවා. පළමු අදියරේ සහ දෙවන අදියරේ ඡුන්දය ප‍්‍රකාශ නොකළ තැපැල් ඡුන්ද දායකයින්ට මෙම අදියරේදී ඡන්දය ප‍්‍රකාශ කළ හැකි බවයි මැතිවරණ කොමිෂන් සභාව ප‍්‍රකාශ කළේ. ඊයේ පැවැති තැපැල ඡුන්ද විමසීමේ දෙවන අදියරේදී සිද්ධීන් කිහිපයක් වාර්තා වූ බව ද එම කොමිෂන් සභාව සඳහන් කළා .
මේ අතර පුදුකුඩිඉරිප්පු තේරාවිල් ප‍්‍රදේශයේ නිවසක් තුළ තිබී නිල ඡන්ද පත‍්‍රිකා 288ක් සමග සැකකරුවන් දෙදෙනෙකු පොලිසිය විසින් ඊයේ (25) අත්අඩංගුවට ගනු ලැබුවා. මෙලෙස අත්අඩංගුවට ගෙන ඇත්තේ අදාළ නිවසේ හිමිකරු සහ තැපැල් බෙදුම් නිලධාරියෙක්. මෙය මැතිවරණ කි‍්‍රයාවලියට ඍජු බලපෑමක් නොවන බවයි පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි කියා සිටියේ.
පළාත් පාලන මැතිවරණයේ ප‍්‍රධාන ඡන්ද විමසීම පෙබරවාරි මස 10 වනදා සිදු කරනවා.
