රුපියල් කෝටි දෙක හමාරක් වටිනා හෙරොයින් තොගයක් සමග අත්අඩංගුවට ගැණුනු, සමන්ත කුමාර නොහොත් වෙලේ සුදාගේ ගෝලයා පිළිබදව තවත් තොරතුරු කිහිපයක් අනාවරණ වී තිබෙනවා. සැකකරු අද (15) අත්අඩංගුවට ගැණුනේ පිළියන්දල, මාවිත්තර ප‍්‍රදේශයේදීයි.
ඔහු වෙලේ සුදාගේ නැගණිය විවාහ වී සිටින පුද්ගලයාගේ සමීපතමයෙකු බවටද අනාවරණ වී තිබෙනවා. සැකකරුගේ නිවසේ මේසයේ රහස් ලාච්චුවක තිබී මෙලෙස හෙරොයින් කිලෝග‍්‍රෑම් 2 ක් සොයාගත් බවයි පොලීසිය පැවසුවේ. රිපිටර් වර්ගයේ පිස්තෝලයක් මෙන්ම රිවෝල්වරයක් සහ ඒවාට යොදා ගන්නා උණ්ඩද සැකකරුගේ නිවසේ සගවා තිබියදී සොයා ගැණුනා.
එම් ඞී ප‍්‍රදීප් නිශාන්ත අප්පුහාමි නමැති සැකකරු කැස්බෑව මහේස්ත‍්‍රාත් අධිකරණයට අද ඉදිරිපත් කිරීමට නියමිතව තිබෙනවා. එහිදී දින හතක රැදවුම් නියෝගයක් ලබාගෙන සැකකරුගෙන් තවදුරටත් ප‍්‍රශ්න කිරීම් සිදුකිරීමට බලාපොරොත්තු වන බවයි පොලිස් මත්ද්‍රව්‍ය නාශක කාර්යාංශය පැවසුවේ.
-----------------------------------------
වෙලේ සුදාගේ ගෝලයෙක් කෝටි 2 1/2ක කුඩුත් එක්ක මාට්ටු
15-06-2018 08:10
රුපියල් කෝටි දෙක හමාරක් වටිනා හෙරොයින් තොගයක් සමග මත්කුඩු ජාවාරම්කරුවෙකු වන සමන්ත කුමාර නොහොත් වෙලේ සුදාගේ ගෝලයෙකු අත්අඩංගුවට ගෙන තිබෙනවා. ඒ, පිළියන්දල, මාවිත්තර ප‍්‍රදේශයේදීයි.
වැටලීම සිදුකළේ පොලිස් මත්ද්‍රව්‍ය නාශක කාර්යාංශයේ නිලධාරීන් විසින්. සැකකරු සන්තකයේ තිබී හෙරොයින් කිලෝ 2 ක් සහ ගිනි අවියක් ද සොයා ගැණුනු බවයි පොලීසිය පැවසුවේ.
