දුෂණ සහ අක‍්‍රමිකතා ඇතුළු බරපතල අපරාධ පිළිබඳ නඩු කඩිනමින් විභාග කර අවසන් කිරීමට ආණ්ඩුවට ඇති වුවමනාව කිසිසේත් අඩු වී නොමැති බව රාජ්‍ය අමාත්‍ය අජිත් පී පෙරේරා පවසනවා. ඔහු ඒ බව පැවසුවේ එක්සත් ජාතික පක්ෂය අද (07) කැඳවා තිබූ මාධ්‍ය හමුවකදීයි.
බරපතල අපරාධ 120කට වැඩි ගණනක් සම්බන්ධයෙන් පරීක්ෂණ දැනටමත් අවසන් කර ඇතැයි ද මෙහිදී ප‍්‍රකාශ කෙරුණා. ඒ අනුව ඒවායෙන් නඩු නිමිත්තක් ඇති කරුණු සම්බන්ධයෙන් නඩු පැවරීමට නීතිපති දෙපාර්තමේන්තුවට දැන් හැකියාව ඇති බවයි රාජ්‍ය අමාත්‍ය අජිත් පී පෙරේරා වැඩිදුරටත් පැවසුවේ.
