රට පුරා කොල්ලකෑම් සිදු කළ 12 දෙනෙකුගෙන් යුත් කල්ලියක් නොච්චියාගම ප‍්‍රදේශයේදී අත්අඩංගුවට ගෙන තිබෙනවා. සැකකරුවන් උකස් කර තිබු රුපියල් ලක්ෂ 30කට වැඩි වටිනාකමකින් යුත් රන් භාණ්ඩ ද සොයාගත් බවයි පොලිසිය පැවසුවේ.
අත්අඩංගුවට ගත් පිරිස වයස අවුරුදු 18ත් 35ත් අතර වයස්වල පසුවන්නන්. සැකකරුවන් සතුව තිබී ජීව අත්බෝම්බයක්, ව්‍යාජ ගිනි අවි 02ක්, ජංගම දුරකතන 02ක් හා කුළී පදනම මත ලබාගත් මෝටර් රථයක් මෙන්ම වෑන් රථයක් ද පොලිසිය විසින් සොයාගනු ලැබ තිබෙනවා. ඔවුන් මේ දක්වා සිදු කර ඇතැයි පැවසෙන කොල්ලකෑම් ගණන 19ක්.
