පිල් නමැති මත්පෙති විශේෂයක් ළග තබා ගෙන සිටි පුද්ගලයෙකු බත්තරමුල්ල, පැලවත්ත ප‍්‍රදේශයේදී අත්අඩංගුවට ගෙන තිබෙනවා.
ඒ, පොලිස් විශේෂ කාර්යය බලකායේ බුද්ධි කොට්ඨාශයට ලැබුණු තොරතුරක් අනුව සිදු කළ වැටලීමකදීයි. සැකකරු සන්තකයේ තිබී සොයා ගැනුණු මත්පෙති ප‍්‍රමාණය 1500කට අධිකයි.
අත්අඩංගුවට ගැනුණු සැකකරු පිටකොටුව මැනිං වෙළඳපොලේ පළතුරු අලෙවි කරන බවයි අනාවරණ වී ඇත්තේ. ඔහු කඩුවෙල මහේස්ත‍්‍රාත් අධිකරණයට හෙට ඉදිරිපත් කිරීමට නියමිතයි. සැකකරු වැඩිදුර විමර්ශන සඳහා පොලිස් මත්ද්‍රව්‍ය නාශක කාර්යාංශය වෙත භාර දී තිබෙනවා.
