යාපනය කරෙයිනගර් ප්‍රදේශයේ ජල සැපයුම මේ වනවිට සම්පූර්ණයෙන්ම නතර වී තිබෙනවා. නෙත් නිවුස් යාපනය වාර්තාකරු සදහන් කළේ වැලි පටවාගත් ටිපර් රථයක් අද (12) පෙරවරුවේ යාපනය කරෙයිනගර් පොන්නාලේ හන්දියේදී ජල සැපයුම් නල පද්ධතිය මතට පෙරලී ගොස් එම පද්ධතියට හානි සිදුවීමෙන් මෙලෙස ජල සැපයුම නැවතී ඇති බවයි.
අනතුරින් බරපතල තුවාල ලැබූ ටිපර් රථ රියදුරු යාපනය ශික්ෂණ රෝහලට ඇතුළත් කර තිබෙනවා. වඩුක්කෝඩෙයි පොලිසිය මගින් වැඩිදුර පරීක්ෂණ ක්‍රියාත්මකයි.
