ලංකා විදුලිබල මණ්ඩලය විසින් රුපියල් බිලියන 86 ක මුදලක් ලබාගත් ඉන්ධන වෙනුවෙන් ගෙවීමට ඇතැයි විදුලිබල හා බලශක්ති අමාත්‍ය මහින්ද අමරවීර පවසනවා.
විදුලිබල මණ්ඩලයේ සමස්ථ පාඩුව රුපියල් බිලියන 200 ඉක්මවා ඇති බව ද අමාත්‍යවරයා ප‍්‍රකාශ කළා.
මෙම පාඩුව හේතුවෙන් ලංකා විදුලිබල මණ්ඩලයට ඉන්ධන සැපයීම නතර කිරීමට ඛණිජ තෙල් නීතිගත සංස්ථාව තීරණය කර තිබූ බවට වාර්තා පළ වුණා.
ඒ පිළිබඳ අමාත්‍යවරයාගෙන් කළ විමසීමකදී ඔහු කියා සිටියේ අදාළ තීරණය තාවකාලිකව නතර කිරීමට මේවනවිට හැකිවී ඇති බවයි. දෙපාර්ශ්වයේම ප‍්‍රධානීන් ගෙන්වා පවතින ගැටලූව සම්බන්ධයෙන් සාකච්ඡා කළ බවයි අමාත්‍යවරයා වැඩිදුරටත් සඳහන් කළේ.
