මහනුවර හන්තාන ප්රදේශයේ මානව ව්‍යසායකත්ව පුහුණු විද්‍යා පීඨයේ නේවාසිකව අධ්‍යාපනය ලබමින් සිටි පාසැල් වයසේ පසුවන ගැහැණු ළමුන් 17 දෙනෙක් අපයෝජනය කිරීමේ සිදුවීමේ ප්‍රධාන සැකකරු ලෙස නම් කර ඇති චන්දිමාල් ගමගේ නැමැති දේශකවරයා මේ වන විට සිටින්නේ රක්ෂිත බන්ධනාගාරගතවයි.
මේ වනවිට එම පුද්ගලයා සම්බන්ධයෙන් තොරතුරු රැසක් පොලිසියට හෙළිවී තිබෙනවා.
මෙම දැරියන්ව පසුගිය පොසොන් දින සහ තවත් දිනයක රාත්‍රියේ වාහනයක දමාගෙන වෙනත් ස්ථානයකට ගෙන ගොස් ඇති බවට හෙළිවූ තොරතුරු අනුව සොයා බලද්දී මහනුවර ප්රදේශයේ ප්‍රභූන් සහ කෝටිපති ව්‍යාපාරිකයන් කිහිපදෙනෙකුට මෙම දැරියන්ව මුදලට අලෙවි කර ඇති බවට කරුණු වාර්තා වී ඇති බවයි පැවසෙන්නේ.
චන්දිමාල් ගමගේ නැමති පුද්ගලයා මීට දෙසතියකට පෙර නායකත්ව පුහුණුව පිළිබද වැඩමුලුවක් මහනුවර ආණ්ඩුකාර කාර්යාලයේ ද පවත්වා ඇති අතර එම වැඩමුලුවට එක් වූ නේවාසිකව අධ්‍යාපනය ලබන දැරියන් දෙදෙනෙක් ආයතනයෙන් පිටතට ගෙන ගොස් බරපතල ලිංගික අපයෝජනයකට ලක් කර ඇති බව හෙළි වී තිබෙනවා.
මෙලෙස දැරියන් බරපතල ලිංගික අපයෝජනයට ලක් කිරීමේ සිද්ධිය පිටුපස සිටින ප්‍රසිද්ධ දැන්වීම් ආයතන හිමිකරුවෙක් පිළිබඳව ද පොලිසිය සොයා ගැනීමට සමත් වුණා.
ඔහු අධිකරණයට අපේක්ෂිත ඇප අයදුම්පතක් ඉදිරිපත් කිරිම නිසා එය සළකා බැලූු මහේස්ත‍්‍රාත් වරයා එම සැකකරුට ලබන 09 වන දින අධිිකරණයේ පෙනි සිටින ලෙස නියෝග කරනු ලැබුවා.
මෑත කාලයේ ආරක්ෂක අංශයක ප්‍රධානියෙක් පත් කළ අවස්ථාවේ දී ඔහු පිළිගැනීම සඳහා බැනර් පෝස්ටර් හා කටවුට් ගසා පිළිගෙන ඇත්තේ ද මෙම පුද්ගලයායි.
ප්‍රධාන සැකකරු ලෙස නම් කර ඇති චන්දිමාල් ගමගේ මීට පෙර පැවැත්වූ වැඩමුළුවක වීඩියෝව පහතින් දැක්වෙනවා.
