ගාල්ල, තෙල්වත්ත සහ රත්ගම කන්දගොඩ ප්රදේශවල සිදුකළ වැටලීම් දෙකකදී මත්ද්රව්ය සහ අවි ආයුධ තොගයක් සොයා ගැනීමට අපරාධ පරීක්ෂණ දෙපාර්තමේන්තුව සමත් වී තිබෙනවා. තෙල්වත්ත ප්රදේශයේ සිදු කළ වැටලීමකින් හෙරොයින් කිලෝග්රෑම් 5 ක් සමග සැකකරුවෙකු අත්අඩංගුවට ගැණුනා.
අපරාධ පරීක්ෂණ දෙපාර්තමේන්තුව ඔහුගෙන් කළ ප්රශ්න කිරීම්වලදී අද දිනයේ රත්ගම, කන්දගොඩ ප්රදේශයෙන් තවත් හෙරොයින් කිලෝග්රෑම් 6 ක් සොයාගෙන තිබෙනවා.
ඊට අමතරව ටි 56 ගිනි අවි දෙකක්, පිස්තෝල 2 ක් හා උණ්ඩ සියයකට අධික ප්රමාණයක් ද සොයාගෙන ඇති බවයි නෙත් නිවුස් වාර්තාකරු පැවසුවේ. අත්අඩංගුවට ගැණුනු සැකකරු තෙල්වත්ත, පෑළිය ප්රදේශයේ පදිංචිකරුවෙක්.