වත්මන් කොවිඩ් තත්ත්වය හේතුවෙන් මැයි මස 21 වෙනිදා මධ්‍යම රාත්‍රියේ සිට මැයි 31 වෙනිදා මධ්‍යම රාත්‍රිය දක්වා කාලය අතරවාරයේදී කිසිදු ගුවන් මගීයෙකුට මෙරටට ඇතුල්වීමට අවසර හිමිනොවන බව සිවිල් ගුවන් සේවා අධිකාරියේ සභාපති උපුල් ධර්මදාස ප්‍රකාශ කර සිටිනවා.
කෙසේවෙතත් මෙරටින් පිටත් වන ගුවන් මගීන් සදහා සැලසුම් කළ පරිදි සේවාවන් සපයනු ඇති. එමෙන්ම අදාළ කාලසීමාව තුළ භාණ්ඩ ප්‍රවාහන ගුවන් යානාවලට මෙරටට පැමිණීමට අවස්ථාව සලසා දී ඇති බවද සිවිල් ගුවන් සේවා අධිකාරිය පැවසුවා.
රට තුළ පැතිර යන කොවිඩ් වසංගත තත්ත්වය හමුවේ විදෙස් රටවල සිට පැමිණෙන පුද්ගලයින් හරහා කොවිඩ් වෛරසයේ නව ප්‍රභේද රටට ඇතුළුවීම වැළැක්වීමටයි එම තීරණය ගෙන ඇත්තේ.
