එක්සත් ජාතික පක්ෂය අද පස්වරුවේ සිය 75 වන සංවත්සරය සමරනු ලැබුවා. ඒ, වීඩියෝ තාක්ෂණය ඔස්සේයි.
"ශ්‍රී ලංකාව ගොඩනැගීමට මෙන්ම නව එක්සත් ජාතික පක්ෂයක ගොඩ නැගීම සඳහා නව වැඩපිළිවෙලක් සකස් කරනු ලබනවා. 2020 පාර්ලිමේන්තු මහ මැතිවරණයේ දී පරාජයට පත්වුයේ ද අප පැරණි ක්‍රමයට ඊට මුහුණ දුන් නිසයි. ඒ අනුව නව වැඩපිළිවෙලක් යටතේ පක්ෂය ශක්තිමත් කරමින්, ශ්‍රී ලංකාව ගොඩනැගීමට අප සියලු දෙනා එක්ව මෙම නව වැඩපිළිවෙල යටතේ ඉදිරියට යෑමට අධිෂ්ඨානය කර ගත යුතුයි.
ශ්‍රී ලංකාවටත් එක්සත් ජාතික පක්ෂයත් යකඩ රාමුවක් මෙන් ශක්තිමත්ව නැගී සිටීමට කාලයයි මේ..." එක්සත් ජාතික පක්ෂයේ නායක රනිල් වික්‍රමසිංහ මහතා මෙහිදී අදහස් දක්වමින් කියා සිටියා.
