ඔලිම්පික් ඉතිහාසයේ රන් පදක්කම් 22ක් දිනාගෙන සිටින ලෝක පිහිනුම් ශූර අමෙරිකාවේ මයිකල් පෙල්ප්ස් සිය සමුගැනීම මේ වනවිට ප්‍රකාශයට පත් කර තිබෙනවා.
මේ සම්බන්ධයෙන් විවිද කටකතා ඔලිම්පික් ගම්මානයේ පැතිරයන බවයි වාර්තා වන්නේ.
ඊයේ පැවැති මීටර් 100 සමනළආර ඉසව්වේදී සිංගප්පූරුවේ 21 හැවිරිදි තරුණයෙකු වන ජෝශප් ස්කුලීන් හමුවේ පැරදීමත් සමග මයිකල් පෙල්ප්ස් කම්පනයට පත්ව සිටි බවයි පැවසෙන්නේ.
රියෝ ඔලිම්පික් ක්‍රීඩා උළෙලේ පෙල්ප්ස් පරදා සිංගප්පූරු ක්‍රීඩකයා ලද ජයග්‍රහණය ගැන වඩාත් කතාබහට ලක්වීම ඔහුගේ කම්පනයට වඩාත් හේතුවී ඇති බවයි සමාජ ජාල මාධ්‍ය ඔස්සේ පැතිරයන නිල නොලත් ආරංචිවල සඳහන්ව ඇත්තේ.
මේ පරාජය තමාට විශ්වාස කළ නොහැකි බව පෙල්ප්ස් පවසා ඇති අතර සිංගප්පූරුවේ ජෝශප් ස්කුලීන් කියා ඇත්තේ පෙල්ප්ස් පැරදවීම තමන්ගේ සතුට බව යි.
