අද පැවැත්වෙන දෙවන එක්දින ක්‍රිකට් තරඟයට සහභාගී වන ශ්‍රී ලංකා සහ ඔස්ට්‍රේලියා කණ්ඩායම් දෙකේම වෙනස්කම් කිහිපයක් සිදු වීමට නියමිතයි. ඒ අනුව ආබාධයකට ලක්වූ වනිදු හසරංග වෙනුවට ජෙෆ්රි වැන්ඩසේ ශ්‍රී ලංකා කණ්ඩාමට එක්වනු ඇති.
ඔස්ට්‍රේලියා කණ්ඩායමේද වෙනස්කම් දෙකක් සිදු වීමට නියමිතයි. ඒ, ආබාධයකට ලක්ව සිටින මාර්කස් ස්ටොනිස් සහ ඇස්ටින් ඒගර් වෙනුවටයි. ඔවුන් දෙදෙනාම පළමු එක්දින ක්‍රිකට් තරඟයේදී දස්කම් දැක්වීමට සමත් වුණා. ශ්‍රී ලංකා ඕස්ට්‍රේලියා දෙවන එක්දින ක්‍රිකට් තරඟයේ අද පස්වරු 02යි 30ට ආරම්භ වීමට නියමිතයි.
මේ අතර නවතම එක්දින ක්‍රීඩක ශ්‍රේණිගත කිරීමේ කිසිදු ලේඛණයක පළමු ස්ථාන 10 ඇතුළට පැමිණීමට කිසිදු ශ්‍රී ලාංකික ක්‍රීඩකයෙකුට හැකි වී නැහැ.
එහෙත් නවතම පන්දුවාර 20 ශ්‍රේණිගත කිරීම්වල හොඳම පිතිකරුවන් දස දෙනා අතර 9 වන ස්ථානයට පැතුම් නිශ්ශංකද, හොඳම පන්දු යවන්නන් දස දෙනා අතර 7 වන ස්ථානයට වනිදු හසරංගද, 8 වන ස්ථානයට මහේෂ් තීක්ෂණද නම් කර තිබෙනවා. මහේෂ් තීක්ෂණ හොඳම පන්දු යවන්නන් දස දෙනා අතරට පිවිසි පළමු අවස්ථාව මෙයයි.
හොඳම පන්දුවාර 20යි 20 තුන් ඉරියව් ක්‍රීඩකයින් අතර දසවන ස්ථානයට වනිදු හසරන්ග නම් කර තිබෙනවා.
