දෙමටගොඩ දුම්රිය අංගනය තුල ධාවනය වූ දුම්රියක් කඩා වැදීමෙන් පැරණි ගොඩනැගිල්ලකට බරපතල අලාභ හානි සිදුව තිබෙනවා.
නඩත්තු කටයුත්තක් සඳහා දුම්රිය අංගනයට රැගෙන ආ දුම්රිය නැවතීමේ සීමාව ඉක්මවා යාම හේතුවෙන් දුම්රිය මාර්ගයෙන් පිටතට පැන පැරණි ගොඩනැගිල්ලට කඩා වැදී එම අනතුර සිදුව ඇති බවයි වාර්තා වන්නේ.
දුම්රිය රියදුරුට නින්ද යාම හේතුවෙන් මෙම අනතුර වී ඇති බව විමර්ශනවලදී හෙළි වී ඇතැයි පොලීසිය සඳහන් කළා. අනතුර සම්බන්ධයෙන් දුම්රිය දෙපාර්තමේන්තුව අභ්යන්තර විමර්ශනයක් ආරම්භ කර තිබෙනවා.