මෙරට ප්‍රමුඛතම රබර් ආශ්‍රිත නිෂ්පාදන සන්නාමයක් වන DSI අනුබද්ධිත සැම්සන් රබර් ප්‍රඩක්ට්ස් ( Samson Rubber Products) ආයතනය තම ව්‍යාපාරයේ 30 වෙනි සංවත්සරය පසුගියදා සමරනු ලැබුවා.
1994 වසරේදි ආරම්භ වූ SRP ආයතනය රබර් ආශ්‍රිත නව නිපැයුම් දාමයක් සමගින් අඛණ්ඩ සැපයුම් ජාලයක් ඔස්සේ ශ්‍රී ලංකාව පුරා මෙන්ම ඇමෙරිකාව, යුරෝපය ඇතුලු රටවල් සමූහයකට ව්‍යාප්ත කිරීමට සමත් වී තිබෙනවා.
පරිසර හිතකාමීව, තිරසර සංවර්ධන ඉලක්කයන් සපුරාගනිමින් රබර් ආශ්‍රිත නිෂ්පාදන මෙරට ප්‍රධානතම කර්මාන්තශාලා තුනක් මගින් වෙළඳපළට නිකුත් කිරීමද මේ වන විට සිදු වනවා.
කර්මාන්තාශ්‍රිත, ප්‍රවාහන, කෘෂිකාර්මික, ධීවර, ක්‍රීඩා, ඉදිකිරීම් ආදී විශේෂිත ක්ෂේත්‍රයන් රැසක රබර් ආශ්‍රිත අවශ්‍යතා සැපයීමේ පුරෝගාමි ආයතනයක් බවට SRP ආයතනය පත්ව තිබෙනවා.
